世歐洲:保加利亞反彈半細抗瑞士
时间：2021-11-18 09:01 来源：足球图库
今晚C組另一場大戰，瑞士主場鬥保加利亞。瑞士仲有機會爭首名直接出席決賽周，不過佢哋遇着死守球隊，往往老鼠拉龜冇碇埋手，保加利亞初段例玩龜縮，1.5球半場細值博。
（周二凌晨3時45分開賽）
瑞士主攻非強項
瑞士暫時因得失球差比意大利遜色，屈居小組次席，萬一意大利今輪失分或贏得少，瑞士隨時可後上以首名出線，鬥心唔使懷疑。瑞士遇着強隊每每憑快速反擊搵到食，相反遇上主守球隊，要佢哋主攻絕非其強項，表現亦打折扣，之前作客就同北愛互交白卷，明顯唔識得破密集。
保加利亞狀態有反彈迹象，連同熱身賽在內，近6仗取得3勝2和僅1敗，包括落後下逼和意大利1比1，唔講得笑，其中近5仗有4次半場開1球或以下，可見佢哋初段非常重視防守，加上佢哋冇出線壓力，輕裝上陣隨時發揮更好，初段可同瑞士周旋，1.5球半場細捧得過。
