世亞洲:日本以快打曼吼半場W
时间：2021-11-18 08:58 来源：足球图库
今晚世盃外亞洲區第3圈B組焦點戰，阿曼主場火併日本。「藍武士」雖然表現唔算突出，但擅於先發制人，初段必定搶韁，加上近年對阿曼例打閃擊戰，半場客勝值得捧場。
（周三凌晨零時開賽）
阿曼實力見晒底
無論係用人定排陣，日本主帥森保一都過於保守，容易畀對手睇穿，令球隊表現欠缺霸氣，其中狀態一般嘅大迫勇也穩站正選，反而弗爆嘅三笘薰、前田大然無用武之地，難怪進攻極為疲弱。不過佢哋勝在個人質素上乘，踢得更加務實，趁對手初段陣腳未穩先搶攻，力求盡早取得領先，之後利用傳控打法保住勝局。「藍武士」喺近4仗世盃外，取得3勝1負狂搶9分，升上第3位，依家只落後次席澳洲1分，重燃爭前2的直接出線希望，而呢4仗只入4粒，其中3次喺上半場取得領先優勢，可見佢哋先發制人嘅策略。
阿曼自從首輪爆大冷作客擊敗日本後，近4仗世盃外僅得1勝1和2負，所贏嘅只係包尾大幡越南，而且呢4仗場場都有失波，似乎實力已經見晒底，不宜高估。翻查紀錄，雙方近5次碰頭，日本唔單止取得4勝1負，呢4場勝仗均喺上半場領先，吸取首輪輸畀阿曼嘅教訓，今仗唔敢再輕敵，勢必先下手為強，半場客勝好路。
