欢迎来到足球图库!
当前位置:主页 > 东方日报 >
挪威奥地利半和好路
时间:2020-09-04 07:31   来源:足球图库
 挪威奥地利半和好路
2020/09/04文:笛子波童

奥地利前锋沙比萨

1/2
另一场B1赛事,由挪威主场斗奥地利,挪威新星艾宁夏兰特及马田奥迪加特上季喺球会表现出色,予人无限憧憬;不过由德甲主力孭飞嘅奥地利喺多名经验老将带领下,近年表现亦突飞勐进,加上佢哋最擅长稳守突击,等閒球队唔易喺比赛初段搵到着数,敲半场和最稳阵。

(周六凌晨2时45分开赛)

自从2000年欧国盃后,挪威已有20年未曾入过大赛决赛周,咁啱同年出世、今年只有20岁嘅艾宁夏兰特被视挪威近年新希望,加上21岁嘅「神童」马田奥迪加特上季外借皇家苏斯达亦表现出众,令外界对挪威未来有一定期望,不过考虑到现时其他挪威成员质素普通,相信要累积一定经验,队波先可以发挥最佳水准,何况挪威上届欧国联喺C3取得小组首名,得以出战延至明年嘅附加赛,争夺明年欧国盃决赛周入券先係眼前最大目标,今届欧国联随时作为练兵或试阵之用。

奥地利擅守半场多开0比0
连同延至明年夏天举行嘅决赛周,奥地利近4届欧国盃有3次入围,实力早被认同,虽然效力拜仁慕尼黑嘅阿拉巴冇入选,RB莱比锡前锋沙比萨、利华古逊孖宝德高域及巴姆加特宁加都係质素、经验兼备嘅一等一好手。奥地利喺上届欧国联4战2胜1和1负,表现唔曳,其中4场上半场都同对手踢成0比0,踢法稳健唔易多失,再追半场和好路。
上一篇:罗马尼亚主W爱得过     下一篇:没有了