国米让波够逊心
2020/08/10文: 法达斯维

国米老将 艾舒利杨格（Getty Images图片）

利华对亲意甲兵脚软
今晚另一场欧霸8强大战，国际米兰喺德国中立场火併利华古逊。国米主帅干地为增加话事权，对欧霸冠军志在必得；利华今仗有中场艾兰古斯坐波监，加上对亲意甲兵都冇运行，国米少让平半，上盘好路。

（Now 644、有线661及601台周二凌晨3时直播）

国米主帅干地早前闹爆高层冇保护球员，一度惹来离队传闻，但熟佢嘅球迷都知，干地係一位唔肯认输嘅教头，而且国米喺佢麾下明显进步紧，又点会执靓队波先嚟放弃？查实佢想加强喺球队嘅影响力，最直接係拎到佳绩，若果赢得欧霸锦标，话事权自然更大，所以斗心必坚。

国米上周凭卢卡古先开纪录，喺16强以2比0淘汰基达菲，呢位「新魔兽」联同拍档拿达路马天尼斯，各项赛事共入49球，属8强入面最强组合，比起曼联嘅拉舒福特拍安东尼马迪尔（45球）更厉害，锋力唔讲得笑。

夏维斯心繫转会
德甲代表利华古逊喺16强两回合赢格拉斯哥流浪4比1，但盛传佢哋踢完欧霸，就会放夏维斯畀车路士，呢位王牌随时惊受伤影响转会，唔慌去尽，另一中场艾兰古斯亦要停赛。何况佢哋向来惊意甲兵，近3次喺欧洲赛对意甲球队全败，国米小让平半，上盘抵玩。