同样求3分车仔狼队大厮杀
2020/07/26文:法达斯维

车仔中场基斯甸普列锡

1/2
今晚另一场关乎前4嘅大战，4哥车路士主场斗狼队。「车仔」固然望保住前4冲线，狼队亦要为欧霸盃席位尽最后努力，双方一定豁出去，入球唔会少，而且近年碰头旺大手交易，2.5球大盘捧得过。（Now 622周日晚11时直播）

「车仔」上周中作客利物浦惨输3比5，现时仅多李斯特城1分，前4未稳阵，虽然今场只要和波就可稳获欧联资格，但面对同样有嘢要争嘅狼队，唔可以坐以待毙，定必主动抢攻望擸晒3分。佢哋复赛后表现唔错，箭头基奥特功不可没，连同英足盃在内，呢位法国老将近6仗有5场取得入球，加埋上仗后备落场表现生勐嘅基斯甸普列锡，「车仔」数胡能力不容小觑。

近5次联赛交手4开大
第6位嘅狼队同样仅以1分压住热刺，为力保呢个出战欧霸嘅席位，赢波先係最稳阵。双方近5次联赛交手，有4次开3球或以上，今场斗攻格局可望演入球骚，大盘值博。