主场入波王波琴Keep到个势

2020/06/04

圣保利箭头 迪亚文达高斯

1/2
德乙周六凌晨有状态不俗嘅波琴主场迎战圣保利。波琴复赛后获2胜2和，其中2场主场都赢波，冇受闭门作赛影响，照打出主场气势，佢哋今季15次联赛主场只有1场入唔到波，总计有12场总入球达3球或以上，遇着要抢分护级嘅圣保利，预期有一场入球骚。

圣保利抢分护级焗攻
波琴复赛后不断抢分，当中包括淨胜前列分子海登咸3球，尽显力争上游嘅斗心。呢队波主场好入得，15战入33球，係德乙主场入波王，不过佢哋失波同样多，失28球係主场失波最多嗰队，所以地头出击经常开大，以2.5球中位数计，今季15战有12场开大，比率高达8成。

圣保利现时排第13位，比尾3嘅卡尔斯鲁厄多5分，仍然要为护级抢分，佢哋复赛发挥比较飘忽，不过近期作客亦旺大，近6场作客4次开3球或以上，今场放手一博会同波琴合演一场入球骚。