士砵亭够料跻身三甲

2020/06/01

士砵亭对住两大班霸例脚软。

获神奇教头加盟
士砵亭对上一次赢得葡超冠军已经係2001/02球季，不过上季喺荷兰主帅马素基尔带领下，先后喺葡联盃及葡萄牙盃击败波图，荣膺国内盃赛双冠王。可惜马素基尔季初离队，令士砵亭阵脚大乱，头12轮联赛只得6胜2和4负，早早被踢出争标行列。

其实今季士砵亭阵中有唔少熟悉名字，例如曾喺英超搵食嘅恩历克波拿斯、谢斯洛迪古斯，后防线则有两名前国脚级人马，包括法国守衞马菲奥及意大利门神维维安奴，不过中场主力波基斯费南迪斯季中转投曼联，对球队造成一定打击，而且佢哋今季经常喺关键6分波失利，例如主场联赛先后输畀波图及宾菲加，係无缘争标嘅最大原因。随住球会喺联赛停摆前邀得布拉加嘅神奇教头鲁宾艾摩廉加盟，现排第4位嘅士砵亭喺馀下球季绝对唔可以Hea踢，至少要赶过布拉加重返Big3位置先算有交代。