法兰克福慌失失捱细界

2020/05/26文:法达斯维


近况曳爆嘅法兰克福，今晚德甲喺主场迎战弗赖堡。法福于联赛5连败，仲有射手柏辛斯亚未好番，状态差到冇朋友，就算有地利都会先做好防守，弗赖堡又作客唔掂，何况近年碰头旺少交收，2.5球嘅细盘更值博。（myTV SUPER、FOX+周三凌晨2时30分直播）

法福喺停摆后好似食咗猪油糕，状态谷极都谷唔起，重开后两仗输晒兼狂失8粒，包括日前作客拜仁惨败2比5，更出现中坚轩迪列加梅开二度再自摆老乌，成班波畀拜仁打到慌晒，连同停摆前在内，法兰克福喺联赛已连输5场。最弊係阵中首席射手柏辛斯亚仍然有伤在身，今仗继续缺阵，单靠另一前锋安达施华数胡，恐怕独力难支，好彩中场杜明历克哥亚刑满复出，有佢做扫荡可减低防线嘅压力。法福屡战屡败，当务之急係要先稳定军心，必定做好防守止住跌势。

弗赖堡作客唔识入波
弗赖堡虽然位处联赛榜中游，但上仗爆冷喺主场输畀尾2嘅云达不来梅，多少都影响信心，而且佢哋客场战绩差劲，近11场联赛作客赢得1场咁大把，今场唔敢轻举妄动。两军近5次交手，有4次开2球或以下，预计大家都会稳阵行先，唔慌多波入，2.5球嘅入球细有逾2倍，值得捧场。