格雷特霍夫主场开大餐

2020/05/26


德乙周中快车，格雷特霍夫主场对奥斯纳贝克准备开「大」片，格雷特霍夫上场先开纪录之下连失2球，踢到补时先入波惊险逼和汉堡2比2。事实上，格军近6场联赛主场有5场总入球係3球或以上，遇上不设防嘅奥斯纳贝克，中位数2.5球入球大值得留意。（myTV SUPER周三凌晨零时30分直播）

格雷特霍夫今季联赛入咗39球，但同时失咗35球，属于典型有前冇后嘅球队，特别係主场出击非常进取，除咗打和汉堡2比2之外，亦曾经同比勒费尔德合力製造6个总入球，近6场联赛主场有5场总入球开3球或以上，其中4场更加达到4球或以上。

奥斯纳贝克不设防
至于奥斯纳贝克表现持续低迷，近10场联赛未赢过，只取得4和6负，同埋防线非常脆弱，包括以2比6惨败给韦恩，上场主场亦以2比4不敌汉诺威，近4场有3场总入球达4球或以上。

值得一提嘅係，奥斯纳贝克近3次作客格雷特霍夫全败收场，合共失咗13球，简直係中门大开，预料今场好可能又会合演「入球骚」。