波琴稳阵派半和啱数

2020/05/16文:法达斯维

波琴中场 奥斯杜杜（Getty Images图片）

1/2

海登咸后衞 美恩卡（Getty Images图片）

2/2
on.cc东网直播德乙重开Good Show
除德甲之外，德乙亦喺今晚重开，其中直播戏码，由老牌球会波琴主场迎战「4哥」海登咸。波琴只领先尾3嘅韦恩3分，要护级不容有失，佢哋向来稳阵行先，停摆前4场联赛全部半场与对手打和，既然有得玩即场投注，开波前先拣半场和，睇定啲临场捧埋波琴「下一队入球」。

（on.cc东网周六晚7时直播）

波琴今季开咧头5场只得2和3负，匆匆炒咗教练杜特，改由球队名宿汤马士雷斯执教，之后12场联赛只输2场，排名一度攀升至11位，可惜及后走势又回落，好彩佢哋停摆前表现已经稳定落嚟，曾经击败特雷斯登、打和辛特侯逊及达斯泰特，即使对住「2哥」史特加，都顶到80分钟先失守仅输1粒。

波琴喺呢4场赛事全部同对手半场打和，当中3仗半场波胆为0比0，踢法相当稳阵。再者波琴现时只领先尾3嘅韦恩3分，护级大前提下1分都不能少，经历停摆后，估计教练汤马士雷斯会延续保守战术，先守半场再伺机而行。

海登咸作客唔敢乱嚟
海登咸今季表现唔曳，依家以41分排第4，与次席史特加只差4分，仍有机会取得前2名嘅直接升班资格，不过佢哋面对波琴往绩一般，12次交手只得4胜2和6负，加上停摆咁耐球员状态未必操起，作客更加唔敢轻举妄动，睇番海军今季25场联赛，亦有14场开半场和，不妨再追。值得留意波琴近3次主场对海登咸，全部先开纪录，既然有直播大家大可睇住嚟玩，易边后再追波琴「下一队入球」，分分钟有惊喜。