意甲祖云达斯作客维罗纳。啱啱牛一嘅祖记王牌Ｃ朗誓要打破名宿查斯古特连续入波纪录，不过维罗纳近7仗未输过唔讲得笑，加上祖记演惯入球骚，捧2.5球嘅大盘最好路。（myTV Gold 301、Now 638、有线654及614台周日凌晨3时45分直播）

Ｃ朗冲「10连发」新纪录
祖记王牌Ｃ朗日前（2月5日）35岁生日，球队仲特登秘密搞咗个派对兼送车畀惊喜佢，呢位「二五仔」上仗对费伦天拿省两粒，令佢头50场意甲累积40球力压朗拿度，成为自94至95年度实施赢波3分制后，喺头50场意甲入波最多嘅球员，亦係Ｃ朗连续9场联赛有进帐，同时荣膺首位喺意甲、西甲及欧联「9星连珠」嘅球员，并且追平名宿查斯古特于队史中最长连续意甲入波嘅纪录，只要今仗佢再有士哥，就可超越法国前辈，成为首位联赛「10连发」嘅祖记球员。

不过维罗纳连续7仗未输过，绝对係猪头骨唔易啃。何况祖记防守唔算稳阵，各项赛事近10仗只得3场保持不失，全开3球或以上，客Ｗ太热转捧更有分头嘅2.5球大盘好过。