曼联不擅破密集又遇剋星
英格兰足总盃第3圈重赛，曼联返主场再斗狼队。曼联一向不擅破密集防守，遇上死守球队，经常老鼠拉龟，领队苏斯克查更係近代主场胜率最低嘅红魔主帅，今仗让唔起剋星狼队，让球客胜咪错过。（myTV Gold 308周四凌晨3时45分直播）

曼联与狼队喺月初碰头闷和0比0，红魔全场冇脚中龙埋门，係5年来首次在本土赛事录得如此差劣数据。由于红魔侧重反击，格连活特、安东尼马迪尔、拉舒福特等快速前锋，遇强屡有佳作，但撞正一心死守嘅球队，即暴露出不擅打阵地战嘅毛病，经常老鼠拉龟冇碇埋手，甚至空群而出时畀对手打反击致败，亦係曼联成为「劫富济贫」嘅「罗宾汉」主因。

狼队遇强有超水准
曼联上场联赛虽以4比0大胜诺域治，但同「金丝雀」防守坚曳有关，主帅苏斯克查自前年年尾接手后，31次带领曼联喺主场出击仅得17胜，胜率得54.8%，係近4任红魔主帅主场胜率最低一个，而且保罗普巴、麦汤米尼等中后场悍将仲未好番，令防线仍存隐忧。

狼队上场英超仅能1比1赛和纽卡素，但佢哋不嬲都遇强愈强，今季面对前6名球队取得2胜3和3负，包括联赛双杀曼城。狼队射手鲁尔占美尼斯状态依然勇勐，快翼艾达马查奥尔近期大爆发，成为狼队反击泉源。翻查往绩，狼队自2018年升上英超后，连盃赛在内近5次对曼联，取得2胜3和未输过，绝对唔怕不擅主攻嘅曼联，受让必捧让球客胜。