英超圣诞快车好波停不了，周日凌晨般尼主场挑战曼联。「红魔」呢头有养伤多时嘅法国中场保罗普巴复出，嗰头麦汤米尼又整亲好大机会要长抖，加上曼联遇上阵地战经常老鼠拉龟，呢场造访踢法保守嘅般尼，「红魔」进攻随时遇上阻滞，转捧中位数2.5球入球细好过。

（Now 621及611周日凌晨3时45分直播）

麦汤米尼伤韧带唔使预
喺拆礼物日拥有80%胜出率嘅曼联，上仗成功保持优良传统，主场先落后之下以4比1反胜纽卡素，除有格连活特同拉舒福特各建一功，仲有安东尼马迪尔梅开二度，成功「拆纽」拎3分，不过半场被换出嘅中场麦汤米尼，赛后证实伤及韧带，见到呢位苏格兰中场离开球场时右膝被重重包扎兼要拎拐杖，睇怕呢场对般尼都唔使预佢。

无论如何，喺圣诞快车期首战以0比2作客输畀护级分子屈福特之后，曼联能够反弹，领队苏斯克查总算可以长舒一口气，但一场胜仗依然不足以掩盖「红魔」状态飘忽嘅事实。虽然近期有保罗普巴伤愈复出，可惜法国中场久疏战阵，未必能改善曼联面对阵地战时进攻乏力嘅问题。

唔少英超中下游球队，为应付圣诞快车期嘅密集赛程，都难免会对踢法作出调整，般尼亦都唔例外，佢哋上仗仅以0比1不敌啱啱换帅嘅爱华顿，计埋该仗，般尼近3场波2胜1负兼只失过1球，全部总入球开2球或以下，踢法明显更趋保守。况且般尼过去6次坐镇草皮球场面对曼联全开2球或以下，呢场随时再摆定铁桶阵迎接「红魔」来袭，中位数2.5球入球细值得再追。