周一波阿King有过关心水推介，重心意甲护级大战史帕尔主场对森多利亚。两军近况曳到爆，大家都唔想输呢场「6分波」，一定稳阵行先，而且森多老帅云尼亚里战术一向保守，今仗唔慌多波入，捧入球细最上算。

（myTV Gold 301、Now 638、有线654及614台周二凌晨3时45分直播）

史帕尔依家排19位，森多更係包尾大幡，今仗名副其实係榜尾大战，双方同样近7仗联赛仅得1胜，最大问题係唔识入波，史帕尔今季只入得7球，森多仲衰入得6粒，攻力咁疲弱点抢分呀？森多上季靠加利亚雷拉数胡，但再锋利嘅刀都会有生锈一日，呢位36岁嘅「老妖刀」开季至今入得1粒无以为继，之前惟有怒炒迪法兰斯高，搵嚟老帅云尼亚里接手，佢领军后3仗只得2和1负，其中2仗开2球或以下；「云爷爷」首要任务係先巩固防守，呢场「护级6分波」大家都唔想输，相信会係闷战一场，细盘乃不二之选。

串斯巴达Ｗ史笃城细
至于俄超莫斯科斯巴达主场对图拉兵工厂，斯巴达自前史浩克04教头泰迪斯高中途上任，连盃赛在内近3场取得2胜1和，阵中瑞典名宿轩历拿臣囝囝佐敦拿臣，更连续2仗梅开二度，脚风转顺，面对自9月尾后未赢过波嘅图拉兵工厂，可乘胜追击，主胜有计。

尾场係英冠史笃城主场对西布朗，「3哥」西布朗连续2仗联赛失分，难得遇弱竟然开平手盘，似乎有景轰，包尾嘅史笃城近5仗有4场开2球或以下，守得两嘴，转捧入球细好过。