美國讓主一「古」作氣

    美洲金盃已經打到入去8強階段，美國分組賽雖然唔算搶鏡，不過佢地嘅實力始終強橫，今遇搭上尾班車突圍古巴，只要眾將加多兩錢肉緊，要大勝真係話都冇咁易，「讓主」一早「古」到！（周六26，香港時間周日5:00開賽）

　　東道主之一嘅美國喺分組賽最後一輪只能打和巴拿馬，雖然無損首名出線，但就累到球迷輸錢，是役續派遣米高巴特利同丹普西等球星落場，認真作賽一定炒得起，畢竟古巴只係以最佳第三名晉級，陣中又完全冇球星，點阻「讓主」開出？

　　同日另一場8強賽事，海地神奇之旅都係時候結束，事關佢人腳唔突出，而家又有前鋒貝爾福特受傷，有美職、英冠同埋英超球星撐場牙買加料可波盤齊贏闖關，買「讓客」有見「地」。（周六34，香港時間周日早上8:00開賽）