曼城及利物浦去季英超鬥得你死我活，各自球星馬列斯和沙迪奧文尼今晚非洲國家盃決賽，在埃及開羅分別為阿爾及利亞和塞內加爾再一決雌雄。相比文尼單天保至尊，馬列斯還有阿當奧拿斯合力攻堅，可望領軍封王，沙漠之狐客勝去馬。

　　效力藍月的阿爾及利亞翼鋒馬列斯矢言繼助球隊?冕英超後，再一次力壓文尼的球隊捧盃：「冠軍是己隊最終目標。」此子今屆決賽周獨取三球，身旁還有阿當奧拿斯這名好拍檔，後者今屆亦收錄三入球一助攻，今晚雙劍合璧可望領軍事隔廿九年再度稱霸非洲。

　　文尼今屆非洲盃也攻入三球，但隊友無力分擔士哥重責，四強只靠突尼西亞後?戴倫布朗擺烏龍險勝1:0晉級。況且，塞內加爾各賽事近五次鬥阿爾及利亞僅一和四負未嘗一勝，故文尼今仗恐怕逃不掉二奶命，阿爾及利亞客勝無問題。