除非有奇迹，否則今日上演嘅日職季後賽總決賽次回合，大阪飛腳即使擺出超攻擊陣，恐怕都好難反勝主場嘅廣島三箭，扭轉首回合落後2:3嘅劣勢，冠軍基本冇行，1.73倍入球大反而值博。

（有線61、201、148周六晚6:30直播）

由於首回合主場輸2:3，失咗兩個作客入球，飛腳今日起碼要贏廣島兩球至翻到身，所以被迫排個雙箭頭超攻擊陣，連兩閘都用出擊力強嘅藤春廣輝、米倉恒貴，明顯要同對手死過。可惜吖！飛腳個後衞吳宰碩要坐波監，防守打咗折扣，而且以往日本呢類兩回合爭霸場合，首回合Win出嗰隊，八、九成機會响次回合捧盃，飛腳似乎都係咁「大」咯！

華倫新帥效應頂住巴塞
2015/12/05

之前同大家講過點解新帥接手，初段多數會反彈嘅原因，今日重心推介場次──西甲大戰華倫西亞主場對「一哥」巴塞隆拿，剛剛炒教練嘅華倫情況差唔多。肥叔同出面嘅行家都傾過，「蝙蝠兵團」嘅班底一啲都唔曳，老細選擇喺呢個關鍵時刻易帥，正正係向球員發出警號，眾將為保飯碗必定搏甩髀，初盤巴塞要讓到球半／兩球咁多，實在過晒火位，肥叔認為又係「慣性開盤」，毫無導向性可言，大戶亦入定少少華倫下盤，不妨跟番多少。

(now 632周日凌晨3時30分直播)

皇馬讓得辣撐對家
至於西甲早場皇馬主場對基達菲，「銀河艦隊」實力雖贏幾條街，但日前西盃卻派出違規球員上陣嘅「世紀烏龍」，似乎內部問題多多，初盤要讓到兩球半咁辣，唔多值博，而且出面嘅博彩公司亦出現輕微回飛嘅迹象，肥叔建議入定基達菲嘅下盤兼大盤。

(now 632周六晚11時直播)