澳職賽事普遍多入球，但凡事總有例外，今日晏晝碰頭嘅FC悉尼同紐卡素噴射機，攻力唔算銳利，防守都叫OK，兩軍近排旺開半場和，今場一於再博半場和！

（有線64及203台周五下午4時40分直播）

FC悉尼今季失去奧地利「長人」真高，攻力大受影響。冇咗真高嘅掩護，新西蘭鋒將史美斯今季8戰僅得1個士哥。其實FC悉尼上季都係表現慢熱，13場主場有9次開出半場和，今季缺少真高，球隊至今踢咗8輪聯賽，入得8球，而且8場都開出半場和！紐卡素噴射機又係成日開出半場和，8場聯賽有7場開出半場和，而當中更有6場波膽係0比0，今場博半場和之餘，玩埋波膽「窿對窿」都好喎！

至於法甲班霸巴黎聖日耳門上場畀升班馬昂熱悶和0比0，聯賽9連勝斷纜，今場作客第5位嘅尼斯，上場後備上陣嘅前鋒伊巴謙莫域今仗有望重返正選陣容，猛將回歸，讓球客勝值得捧場。

（TVB 302周六凌晨3時30分直播）

最後講多場俄超直播賽事，莫斯科火車頭主場對烏拉爾，火車頭近況好曳，防線錯漏百出，近5次主場輸足4場，一於捧受讓嘅烏拉爾！

（有線64及203台周六凌晨零時直播）