阿仙奴今晚造訪「金絲雀」諾域治。「兵工廠」近期表現反覆，但攻力始終唔錯，加上傷兵問題逐步改善，面對近況麻麻兼防守力一般嘅諾域治有望大勝，入球大細中位數轉至2.5/3球，阿謙依然推介大盤。

（now 621周一凌晨零時15分直播）

阿仙奴喺上周三嘅歐聯分組賽贏波，出線未絕望，呢場勝仗亦令球隊終止3場不勝頹勢，今仗作客面對諾域治，雖然傷兵仲有一大籮，但艾朗藍斯已喺上周中復出，加埋上場梅開二度嘅阿歷斯山齊士，今仗大有機會再贏一場。

諾域治攻守都唔掂
諾域治近況認真麻麻，近6場聯賽輸足5場，對住同級對手紐卡素同西布朗都輸波，認真大劑。球隊攻不銳守不穩，加上今仗有中場主將馬菲查維斯同堤迪缺陣，防線更受壓，相信會令阿仙奴攞到唔少入球機會。阿謙估計「兵工廠」有望贏波而回，不過客W冇咩肉食，諗吓有1.72倍嘅入球大好過。