B組另一場賽事，莫斯科中央陸軍主場對禾夫斯堡，包尾嘅中央陸軍今仗不容再失，爭勝戰意肯高昂，加上當地已步入冬天，晚間平均氣溫將低至攝氏-6度，勢令作客球隊難以適應。特別係禾夫斯堡近6次作客輸咗5場，數據上更為不利。中央陸軍今場小讓平半，上盤值博。

（有線61、64、201、203台周四凌晨1時直播）

俄羅斯球隊一向靠主場搵食，中央陸軍今屆附加賽正係靠次回合主場贏波反勝士砵亭而打入分組賽。分組賽兩次主場，分別擊敗燕豪芬同打和曼聯，遇上牌面更弱嘅禾夫斯堡，應更有決心豁盡求勝。陣中射手杜姆比亞大勇，4場分組賽射入3球，肯定成為禾堡後防心腹大患。

作客戰績不敢恭維
禾堡雖然上仗德甲主場大炒雲達不來梅6蛋好似好勁，但作客演出就走晒樣，近6次作客錄得5敗，包括兩場歐聯賽事，今次去到莫斯科凍到手腳都硬晒，再輸一都啲唔出奇，受讓平半梗係捧主隊上盤。