三箭淡定衝冠吼半場和

日職次階段聯賽今日煞科，榜首勁旅廣島三箭主場鬥湘南比馬。三箭今仗和波就可以成為次階段冠軍，並極大機會直入季後賽決賽，因此應會穩字行先，力保不敗已足夠。事實上，三箭一向慢熱，近六仗有五場開出半場和，對手湘南比馬踢風流波，戰意成疑，上半場難有交收，Mic少博2.25倍半場和。.

（有線61、201、148台周日中午12時30分直播）

廣島三箭次階段聯賽十六戰有三十七分，領先第二位鹿島鹿角三分，所以今仗唔輸已可捧盃。與此同時，廣島三箭兩階段聯賽總積分為七十一分排首位，領先浦和紅鑽兩分，總球差更多出十二球，若然今場再添一分幾可肯定以全季總成績一哥身份，直入季後賽決賽。重大利益當前，球隊應會穩打穩紮，避免犯錯而功虧一簣。三箭踢法一向留前鬥後，近六場比賽有五場上半場同對手互交白卷，今場關鍵之戰，更加唔會冒進。

比馬硬淨唔易啃
湘南比馬已經冇嘢好爭，加上球隊對上一場正式比賽，已經係兩星期前，球員心態上已提早收咧，唔慌會搏命。不過，考慮到湘南比馬防守不俗，係次階段聯賽失波第二少嘅球隊之一，相信上半場有力保持不失。