澳職「一哥」FC悉尼今日主場迎戰新鮮出爐嘅澳足盃冠軍墨爾本勝利。澳職踢咗大約5輪賽事，悉尼係唯一一支不敗之師，而勝利前鋒貝利沙亦狀態大勇，雙方過去3次對戰皆開出入球大，不妨再捧大盤！

（周六下午4時30分開賽）

受到國際賽影響，兩軍今仗人腳都唔齊，悉尼有中場拿奧莫夫、後衞安祖賀利被澳洲徵召，勝利更有守將史葛加路維、謝利亞、加利富高等人缺陣，防線面目全非。好彩嘅係勝利一眾攻擊主力如貝利沙、巴巴路西斯同賓卡法拿今場均可出戰，其中貝利沙喺澳足盃決賽都有波入，成功帶領球隊捧盃，呢位王牌射手喺聯賽已經取得3個入球，所以話有貝利沙，勝利就冇有怕！

對上3次交鋒全開大
主隊FC悉尼上場聯賽主場同布里斯班獅吼悶和0比0，表現略為失望，今場再喺主場出戰，唔想失威多次必定搶攻，球隊對上3次對勝利都開大盤，其中兩場均開出3比3波膽，今場對住防守受削嘅勝利，有望再次開出入球大。