挪威上盤「匈」有成竹
 

歐國盃外圍賽附加賽首回合開打，打頭陣係挪威主場對匈牙利，讓平半上盤值博。挪威嘅世界排名雖比對方低，但佢哋有挪超兩大射手蘇達倫同馬古斯柏達臣壓陣，教頭赫莫賽前仲話揀晒最弗球員入伍，咁有信心撐得過喎！

（有線61、201及中央5台周五凌晨3:45直播）

挪威喺H組有6勝1和3負，表現唔失禮。洛辛堡射手蘇達倫今季以22球成挪超神射手，史卓加斯特前鋒馬古斯柏達臣最近弗到難以置信，搞到般尼茅夫嘅祖舒亞京治都冇碇企唔能夠入選，難怪教頭赫莫夠膽話有信心贏波。

匈牙利戰力一般
匈牙利喺F組得4勝4和2負，而且同組排喺佢哋前面嘅，只係北愛爾蘭同羅馬尼亞，叻極都有限。再講匈牙利嘅外流球員實力唔算標青，前線得賀芬咸前鋒施沙拉爾睇得吓，加上踢過富咸嘅中場謝拉已經36歲，作客真係未必頂得住對手，受讓都冇着數。