加蓬靠奧巴美揚食胡

今晚世盃非洲區第2圈外圍賽首回合揭開序幕，其中莫桑比克主場迎戰加蓬值得留意，剛於魯爾區打吡成為多蒙特英雄嘅「蝙蝠俠」奧巴美揚，報國心切，有呢位着晒火嘅射手壓陣，加蓬有力於首回合先拔頭籌，不妨直取讓球客勝。

（周四凌晨1時開賽）

講到加蓬，你一定要識奧巴美揚，佢唔單止當選十月德甲最佳球員，而且今季已為多蒙特喺各項賽事轟入二十球，包括日前於魯爾區打吡勇挫死敵史浩克又有進帳，入波後仲騷蝙蝠俠底衫慶祝，腳風順到冇朋友，呢位打吡英雄賽後急急返回加蓬報到，睇嚟想做埋國家英雄。由於今次世盃外第2圈係打兩回合，對手只係實力平庸、近五主場僅一勝嘅莫桑比克，加蓬淨係一個奧巴美揚都夠玩謝對手，隨時今仗大勝鎖定出線資格，讓球客勝咪錯過。

贊比亞讓平半抵玩
同時間舉行嘅另一場非洲區外圍賽，蘇丹主場對住贊比亞，前者近五仗輸咗四場，面臨信心危機，贊比亞有法甲兵馬約卡及辛素壓陣，加上近五碰頭未嘗一敗，絕對唔赦蘇丹，贊比亞小讓平半捧上盤。