作客不敗唔係符碌
德甲踢咗三分一賽事，仍然可以保住作客不敗身嘅就只係得番2隊，其中超晒班嘅拜仁唔使審梗係有份，至於另一隊係達斯泰特相信令唔少球迷意外。呢支升班球隊今晚作客防守勁曳嘅史特加竟然受讓半一，2.04倍下盤咪走寶。

（now670及有線61、64、201、203台周日晚上10:30直播）

大家聽到達斯泰特可以保住作客不敗身，可能會以為佢哋係得益於賽程幫手。但實情球隊作客硬仗連場就真，分別造訪過史浩克04、多蒙特同利華古遜，但結果通通成功搶分，戰意實在可嘉，呢次對住實力麻麻嘅史特加，點可以唔支持先？

史特加攻守都唔掂
相反史特加主場毫冇霸氣就真，開季至今取得1勝4負成績，所攻入嗰4球仲要包括2球12碼，陣中主力前鋒丹尼爾真錫克要長抖，咁嘅火力堅信唔過。再者，球隊防守亦唔見得好，今輪聯賽未開始前以23個失球冠絕德甲，名副其實攻又唔得，守又唔掂，今仗仲憑咩學人讓波吖！