西岸除頭3位嘅ＦＣ達拉斯、洛杉磯銀河同溫哥華白帽外，4至6位嘅波特蘭伐木者、西雅圖海灣者同肯薩斯體育會都未能安心，皆因第7位嘅聖荷西地震同第4嘅伐木者只差3分，但地震今場對「一哥」ＦＣ達拉斯，恐怕凶多吉少！

ＦＣ達拉斯依家同東岸榜首紐約紅牛同分，只要今場贏波，同時紅牛喺煞科日失分，咁達拉斯就可以取得常規賽冠軍，若兩軍都贏波，達拉斯只能做阿二。所以達拉斯今場充滿戰意，主場對住有中場安尼巴哥度爾停賽、前鋒連赫特因傷休戰嘅地震，1.67倍主Ｗ唔怕追！

（周一早上7時開賽）

海灣者撼鹽湖城追細盤
至於上季常規賽冠軍西雅圖海灣者今季表現不穩，搞到依家仲要為季後賽席位而戰。海灣者近3戰全和1比1，攻力欠奉，煞科戰主場對住皇家鹽湖城，客軍近5戰有4場開細盤，再追細盤。

（TVB 302周一早上7時直播）