日本女足同洲共济
 
下线最强嘅巴西女足提早出局，日本女足可以提早开定香槟嘞，不过入唔入到决赛仲係言之尚早，可以肯定嘅係佢哋嚟到女子世界盃8强对住澳洲女足一定唔会手软先！（周六17，香港时间周日4:00am开赛）
 
澳洲女足喺16强遇到巴西女足，唔少人都以为佢哋抽中一条下下籤，事关对手有女球王马达喺度，不过咁都晋到级就证明到呢队应届女子亚洲盃亚军有番咁上吓嘅实力，係惊佢哋对住巴西女足太过出力，嚟到8强会脚仔软啫。
 
相反日本女足就冇呢个问题，今届佢哋唔係淨係靠老将泽穗希，队中目前有多达6位球员有入过波，睇见澳洲女足帮手喺16强击败到下线最强嘅巴西女足反而令到佢哋士气大振，上场故意收起泽穗希就係留下咗大炒对手嘅伏笔，係时候撑吓佢哋赢波赢盘。