澳職第2輪賽事今日展開，由阿德萊德聯主場迎戰西悉尼流浪者，後者受讓撐1.98倍「讓客」！牌面上阿德萊德聯係較高，不過佢哋個主力門將加利高域舊患復發被迫推遲復出，預計要抖多個半月，打亂晒教練阿摩嘅部署。阿德萊德聯今季由阿摩取代甘巴爾領軍，戰術上需要一定時間適應，開鑼戰對墨爾本勝利就空有攻勢，去到危險地帶就頻頻斷纜，睇怕冇咁快踢得番上季水準。

（有線64及203周五下午4:40直播）

阿聯將帥需時磨合
西悉尼流浪者上季排聯賽尾二，不過今季換血後實力應該有提升，由瑞士回流嘅進攻中場維度錫今場有望正選上陣，佢4年前就係喺阿德萊德聯成名，今場倒戈梗係要再騷吓Quali啦！西悉尼流浪者明知實力唔及對手，今場作客會以穩為先，未上力嘅阿德萊德聯未必贏到囉！