比利時以色列大駁火

B組賽事，比利時、威爾斯已穩奪小組頭2名，波斯尼亞、以色列及塞浦路斯將角逐第3名附加賽資格，以色列今屆歐國外9戰7開大，今晚作客鬥攻力強勁嘅比利時，首選大盤。

（有線63台周三凌晨2時45分直播）

B組榜首雙雄比利時及威爾斯已雙雙取得歐國盃入場券，第3至5位球隊波斯尼亞、以色列及塞浦路斯爭第3位打附加賽，以色列落後波斯尼亞1分，同時領先塞浦路斯1分，形勢非常接近，亦有極多可能性。由於對手戰果難料，以色列將全力爭勝，再望波斯尼亞失分。

比利時已經鎖定出線席位，今戰唯一目標係爭取小組首名。球隊上輪以4比1輕取弱旅安道爾，主將奇雲迪布尼及夏薩特各建一功，表現同樣不俗。比利時後備力量強，今仗就算收起部分主力，仍然有足夠本錢與對手駁火，開入球大機會高。