俄羅斯和都掂「細」嗒黑山

歐國盃外圍賽G組賽事，奧地利鎖定首名出線後，另一個直接出線決賽周名額，就由排第2嘅俄羅斯同第3位瑞典爭奪，今晚兩支球隊齊齊主場出擊，不過比賽心態有別。手握2分領先優勢嘅俄羅斯，呢鋪主場對住黑山就算和波都搞掂，未必有興趣數胡，1.8倍細盤穩陣。

（有線61及201周二凌晨0:00直播）

瑞典伊巴領軍吼半場勝
先講吓呢組形勢，俄羅斯不單2分領先瑞典，而且對賽成績佔優（1勝1和）。換言之佢哋只要唔輸波，就算瑞典贏波追到同分，都唔輪到佢哋踢附加賽，所以今仗對俄軍嚟講至重要係保持不失唔好輸。班波自從炒咗領隊卡比路改由新帥舒特斯基揸旗後，表現隨即反彈連贏3仗，呢次對住提早出局、鬥志成疑嘅黑山，頂盡咪入一、兩球贏波慶祝，細盤可期。

另一場瑞典主場鬥摩爾多瓦，雖然爭次名形勢對呢支北歐球隊不利，但都冇理由一開波就投降乜都唔做，相信响頂級射手伊巴謙莫域領軍之下，落到場都會盡快取得士哥，1.47倍半場主勝不妨攞嚟做過關膽。

（有線64及203周二凌晨0:00直播）