歐國盃外圍賽F組，北愛爾蘭已獲出線權，餘下一個直接出線席位屬於羅馬尼亞與匈牙利之爭。羅馬尼亞領先1分，今仗作客只要擊敗法羅群島即可晉級，為免夜長夢多，相信羅馬尼亞會爭取盡快入波，奠定勝局，半場勝可捧。

（周一凌晨零時開賽）

羅馬尼亞今屆外圍賽發揮平穩，保持9戰不敗且只失兩球，問題係攻力亦麻麻，僅錄得4勝5和，但嚟到最後關頭，唔可以再咁保守，否則一旦再和波失分，隨時被第3位匈牙利反超，咁就喊都無謂，因此今仗料會反客為主，力爭盡快開紀錄。事實上，法羅群島已篤定出局，冇必要阻人發達，守唔住半場機會好大。

匈牙利擺大個頭砌希臘
至於匈牙利作客希臘，目標只有一個，就係贏波攞3分。由於希臘已經出局，戰意成疑下，匈牙利可佔上風，入波機會高，而如果比賽期間羅馬尼亞早奠勝局，匈牙利或會因出線無望而洩氣，令希臘有機可乘，揀入球大最正路。

（周一凌晨零時開賽）