美職常規賽 直路齊開鞭
話咁快美職準備步入尾聲，各支球隊都要為取得心儀位置搏盡最後一分力。聽朝就由爭緊常規賽盟主嘅紐約紅牛，主場迎戰趕搭季後賽尾班車席位嘅蒙特利爾衝擊，呢兩支東岸球隊近期對住邊隊，都同樣擺出一副駁火格，既然係咁一於撐2.29倍半場大提早收錢。

（TVB 301周四早上7:30直播）

紐約紅牛依家同洛杉磯銀河同得51分，分別位列東、西岸榜首，但由於紅牛踢少2場，所以佢哋喺常規賽冠軍爭奪戰佔有好大優勢，相信班波都想盡快登頂，之後集中全力應付季後賽，所以呢鋪唔驚佢哋會揸流攤。

紅牛連開7口半場大
事實上呢支東岸一哥近期極度惹火，近9戰有8場至少攻入對手2粒，當中包括至少8位球員都有份開炮，你叫對手守住邊個至得先？而且紅牛呢排慣性一開波就喪攻對手，結果連開7口半場大，個勢咁行梗係值得繼續追。

衝擊杜奧巴有保證
至於衝擊家陣排喺東岸第6位，班波為咗張季後賽入場券必拚。講真佢哋只係落後踢多2場嘅次席華盛頓聯隊6分，莫講話想搭尾班車，就算想直入4強都唔係冇價講。何況單係有前鋒杜奧巴一個坐鎮，基本上等同係士哥嘅保證，魔獸近4仗合共轟入4球咁Fit，擺明想一嚟美職就帶領球隊重返季後賽。既然兩方爭勝心爆棚，火力又夠猛，半場有2粒交收唔難啫。