今日有兩場日聯盃四強首回合賽事，首先係力爭衞冕嘅大阪飛腳作客新潟天鵝，飛腳今場人腳不整，多位主將包括宇佐美貴史、米倉恒貴等均被日本國家隊徵召，球隊近況已經唔掂，冇埋主力更係凶多吉少，今場作客讓唔起新潟天鵝，科娜熱捧讓球主勝！

（有線61及201台周三晚6時直播）

大阪飛腳係上季「三冠王」，贏得日職、日聯盃同天皇盃冠軍，但嚟到今季就風水輪流轉無以為繼，依家喺聯賽只排第八，上場日職作客仲以3比5不敵川崎前鋒，計埋前一場亞冠盃四強首回合作客輸畀FC廣州，飛腳連輸兩場作客波，今次去到天鵝主場士氣肯定低，就連球員體力都差過對手啦！

飛腳今場仲有前鋒宇佐美貴史、中場米倉恒貴、後衞丹羽大輝及門將東口順昭缺陣，皆因佢哋齊齊畀日本國家隊徵召；冇埋呢班主力，飛腳真係冇贏波嘅本錢！新潟天鵝近三仗主場錄得兩勝一和一負，今場對住陣容天殘地缺嘅飛腳，受讓值捧。

勝利船再遇鹿角「大」報復
另一場日聯盃賽事就由神戶勝利船主場對鹿島鹿角，勝利船近四戰全敗，包括上仗主場日職輸畀鹿島鹿角0比2，今場又對鹿島鹿角，勝利船肯定有仇報仇，採取主動希望贏番場。不過勝利船防守唔強，主攻隨時搞到後防空虛，今場捧入球大好過。

（有線64及203台周三晚6時直播）