維爾港撻着捧W唔怕池

英格蘭聯賽錦標第二圈賽事，阿King睇中英甲球隊對戰戲碼，排第八嘅維爾港主場對排廿二嘅黑池。維爾港今季喺主場表現唔錯，對上八仗只係輸過一場，今仗面對季內作客經常腳軟嘅黑池，應該實食冇黐牙，主Ｗ係重心推介。

（周三凌晨2時45分開賽）

維爾港現時喺英甲排第八，球隊今季喺主場連盃賽踢咗八場只係輸過一次，更贏咗其中嘅五場。維爾港主力射手尹柏阿祖同摩亞近期輪流發威，上周六聯賽主場贏錫菲聯仲齊齊有波入，今仗續喺主場出擊，雖有中場米高奧干拿同守將賴恩安尼斯仍然養傷，相信仍有力贏波。

黑池喺上周六聯賽擊敗史雲頓取得兩連勝，狀態似乎有啲起色，但要留意佢哋所贏嘅兩仗都係主場賽事，反觀最近踢嘅五場作客賽事輸咗四場，早前英聯盃客戰乙組仔諾咸頓都要輸0比3，好明顯作客唔係佢哋嘅強項。

黑池現時排喺英甲第廿二位，只係比包尾嘅克魯多五分，阿King相信佢哋現時會專心應付聯賽，對盃賽唔會太上心，今仗續有中場查列特里華士因傷缺陣，相信都係凶多吉少，捧主勝。

貝利7連勝過關膽
另外，貝利呢支英甲升班球隊近期狀態大勇，近七場聯賽連盃賽錄得全勝，射手李安奇勒連續三場都有波入，今仗面對近四仗只得一和三負嘅乙組仔摩甘比有力贏波晉級，主Ｗ可作過關變倍器。

至於英乙卡維尼近六仗輸咗五場，而且近四仗主場賽事更一球不入，今場面對英甲嘅修安聯更加唔會踢得進取，咁啱修安聯近期表現亦慢熱，近五仗有四次開出半場和，一於捧半場和啦！