高雲地利質高突「維」晉級

伊奧維今晚喺英錦標第2圈主場對高雲地利，一於揀1.72倍客勝，事關高雲地利有個好領隊莫比利，佢曾經執教過西布朗，證明過自己係有料之人，家陣屈喺英甲，當然希望領軍拎好成績，吸引英冠甚至英超球會撬佢過檔啦，鬥心搭夠要晉級唔難喎。

（開賽時間：周三凌晨2:45）

伊奧維後防主力養傷
事實上，高雲地利除咗有莫比利領軍外，佢哋仲有唔少優質借將，隊長森歷格斯亦長期代表威爾斯國家隊披甲，即使開季省咗8球嘅紐卡素借將阿當岩士唐要代表英格蘭U19打國際賽，但佢哋近期火力回升，莫比利都話隊波開始撻着，梗係要信佢啦！更何況對手只係英乙排尾3嘅伊奧維，開咧戰績咁曳，後衞蘇高歷又養傷，盃賽未必搏盡，都係專心護級好過咯。