今日除咗歐聯重燃戰火，亞冠盃亦會進行首場四強首回合，沙特阿拉伯勁旅希拉爾主場迎戰阿聯酋球隊阿爾阿里。希拉爾無論人腳實力或大賽經驗都佔上風，加上今屆亞冠盃五次主場出擊全勝，主隊讓半一，上盤可作為過關重心。

（now 672周三凌晨1時15分直播）

希拉爾於亞冠盃曾兩奪冠軍及三獲亞軍，假如今屆能捧盃，將可追平南韓球會浦項製鐵，成為亞冠盃史上奪冠次數最多嘅球會之一，所以球隊上下對今屆賽事特別重視。希拉爾人腳鼎盛，防線有南韓老牌國腳郭泰輝鎮守，中場有來自葡超波圖嘅巴西球星卡路士伊度亞度領軍，前線由前亞洲足球先生、沙特著名球星艾基達尼數胡，三線人腳十分平均。

阿爾阿里晉級過程跌跌撞撞，分組賽憑較多入球壓過拿薩夫以次名出線，十六強階段亦只靠作客入球優惠淘汰艾阿恩，如今首次打入四強已算超額完成，今仗作客難再創奇迹。

墨爾本城作客大駁火
另外今日下午亦會上演澳足盃八強賽，墨爾本城作客鬥地區球隊海德堡聯，墨爾本城上圈大數威靈頓鳳凰5比1，對今屆足總盃志在必得，不過佢哋防線演出唔算太穩陣，連續兩圈都有失波。海德堡聯於賽前特意引入希臘國腳加素蘭尼斯，整體實力即「升呢」，佢哋近四仗攻入十一球嘅火力大有條件同墨爾本城鬥攻，大盤穩陣。

（有線64及203台周二晚6時直播）