今晚巴甲爆發射手大戰，柏圖火併巴里奧斯，聽落都知夠晒睇頭。主場出擊嘅聖保羅雖近況低迷，但好消息係中場指揮官甘素喺周中巴西盃傷愈復出，路爾斯法比安奴亦都刑滿，拍住柏圖攻堅鬥巴甲「入球王」彭美拉斯，2.05倍入球大好分頭！

聖保羅除咗甘素、路爾斯法比安奴外，中場米高巴斯圖斯亦坐完波監，佢3個聯同今季攻入9個聯賽「士哥」嘅柏圖合組鐵四角，火力夠晒保證。

彭美27場聯賽轟48球
對家彭美拉斯仲癲，27輪聯賽喪轟48粒，上輪巴甲對住聯盟防守力「冧巴溫」嘅甘美奧都贏3:2，證明攻擊力有幾堅。你有柏圖搭路爾斯法比安奴打雙箭頭，彭美拉斯亦有近兩場聯賽勁省4球嘅巴里奧斯孭飛，入波唔慌少咯。