法甲傳統勁旅馬賽今季開季不順，開咧7戰只係贏過兩場，今晚佢哋主場迎戰昂熱梗係想全取3分啦。之不過昂熱出名防守硬淨，怕且馬賽又失分都唔奇，一於冷敲2.75倍「讓客」。

（TVB302周日晚8:00直播）

講近況馬賽真係麻麻，連續兩仗打和失分，更何況今戰仲有主力守將班捷文文迪上仗領紅要坐波監，防線有失波危機。雖然佢哋聯賽7戰攻入12球，睇落攻擊力唔錯，之但係其中有3仗要食白果，火力咁唔穩定難怪佢哋頻頻失分。

昂熱近7戰5仗冇失波
另邊廂嘅昂熱防線靠得住，今季聯賽7戰有5仗保住清白身，表現咁硬淨自然難被擊破，所以佢哋家陣喺聯賽僅輸1場。今場對住表現反覆嘅馬賽，搶到1分唔係奇事。