周一朝早有場美職賽事，近況一般嘅肯薩斯體育會喺主場迎戰西雅圖海灣者。肯薩斯體育會近期表現平平，但要留意當中好多屬作客賽事，呢班波返到主場相信會有唔同嘅演出，遇上近期狀態唔錯兼火力旺盛嘅西雅圖海灣者，今仗入波應該唔會少，大盤值得支持。
（TVB 301周一清晨5時直播）
肯薩斯體育會近7仗只係贏得1場，但當中有5場係作客賽事，而唯一贏波就喺主場踢，再加上球隊近4仗主場賽事都出現大手交易，可見呢班波主場出擊比較進取，但球隊防線明顯唔掂，所以出現入得又失得嘅情況。肯薩斯體育會今場波只有後衞伊基奧柏拉唔踢得，對球隊影響甚微，相信會繼續過往主場喪攻嘅踢法，寄望搶分而回。
客軍馬田斯抖夠搶胡
西雅圖海灣者剛剛喺上周中嘅中冠盃贏波，球隊近5仗4勝1和，其中射手馬田斯喺呢5場波入面有4場取得「士哥」，佢喺上場中冠盃冇出場，養精蓄銳下等今仗數胡。海灣者喺呢5場波入面有4場開出大盤，包括兩場以3比0「雙殺」西岸一哥溫布哥華白帽，火力強勁，今仗只有後衞安達斯哥利亞缺陣，有望同肯薩斯體育會上演入球騷，阿謙推介入球大。
