今晚英冠獨腳戲，由升班熱門米杜士堡主場對列斯聯，「米堡」近排豪取五連勝弗到漏，勁成咁係咪唔捧唔得？其實足球場上成日出現「格食格」嘅情況，近7次對戰有6次列斯聯可以力保不敗，列斯聯今場未必

贏到，但「米堡」亦食唔住列斯聯，讓球主客和捧番受讓嘅列斯聯！

（周日晚8時15分開賽）

米堡密密踢難回氣
米杜士堡近期5場全勝，包括剛周中英聯盃第3圈大勝狼隊3比0，不過「米堡」相隔3日就要踢呢場英冠，球員恐怕未回得切氣；另一邊廂列斯聯晨咁早喺英聯盃出局，所以今場賽前有成個禮拜時間休息，就算上場作客完米爾頓凱恩斯後，今場又嚟作客都唔使驚呀！

列斯聯喺英冠成績唔算突出，踢咗8輪賽事得11分，但其實佢哋都係輸咗1場，聯賽作客更係未輸過。列斯聯上季雙殺米杜士堡，兩場都贏1比0，連埋呢兩場列斯聯過去7次對「米堡」，有6場係唔使輸，心理上肯定佔優，「米堡」又有拉斯威廉斯、達米亞同巴迪斯迪因傷缺陣，今場不妨冷敲2.72倍嘅讓球客勝！