熱刺阿仙奴鬥頹「細」

英格蘭聯賽盃第3圈激戰爆發！熱刺今晚主場同阿仙奴合演「北倫敦打吡」，呢兩隊波近期鋒力疲弱，熱刺王牌射手哈利卡尼陷入球荒，預計只會半力出擊嘅「兵工廠」亦冇入波板斧，今仗好大機會變拉鋸戰，「入球細」值得一試。

（開賽時間：周四凌晨2:45）

阿仙奴連輸2場，辛迪卡索拉同基比爾包列斯達今仗又要停賽，領隊雲格向來喺聯賽盃畀主力休息，新星祖爾甘保、阿德萊德等或臨危受命，雖然中堅梅迪薩卡傷愈復出，但球隊鋒力不足，今場作客可能先求穩守。熱刺近5場聯賽不敗，不過對上4場聯賽只入得3球，王牌射手哈利卡尼今季仲未開齋，單靠南韓國腳孫興民撐大局，畀唔到球迷信心，好在熱刺勝在防守夠穩，近4戰僅失1球，今場相信繼續以穩為先，兩隊都希望一擊即中晉級，入波唔慌多。