法甲周中開快車，周三凌晨率先上演兩仗，榜首巴黎聖日耳門（PSG）主場迎戰甘岡。PSG對上兩場聯賽皆失分，今返主場當然力爭重敲勝鼓，不過甘岡3連勝狀態、士氣俱佳，作客都頂得兩嘴。PSG今季常於下半場發力，甘岡聯賽6戰亦有5次開半場和，一於捧兩軍半場打成平手再開半場和。
（TVB 302周三凌晨3時直播）
聖日耳門對上兩場聯賽分別打和波爾多、蘭斯，雖然仲能保住聯賽不敗身，但已被雷恩、聖伊天追至得番1分優勢，今輪返主場如果贏唔到分分鐘冇埋榜首位。烏拉圭射手卡雲尼連盃賽近4仗個人入6球，新加盟嘅迪馬利亞亦開始融入球隊，唔使擔心佢哋入唔到波，不過睇番PSG頭4輪聯賽贏波，當中有3次都靠下半場入波才奠勝，堪稱「後勁王」，相信今仗亦會「睇定先食」。
甘岡近6聯賽5次開「半和」
事關對手甘岡今季踢咗6場聯賽有5次同對手上半場不分勝負，而且甘岡對上3場聯賽連贏馬賽、尼斯及GFCO阿些斯奧，承此勇態頂到半場唔出奇。既然PSG主W賠率熱到冇肉食，不如轉敲半場和。
