同晚另一場西甲，愛斯賓奴主場對華倫西亞，「愛奴」今季中門大開，開季踢咗4場聯賽合共失咗11球，名副其實有球必應，就算喺自己地頭出擊，都難保清白之身。「蝙蝠兵團」華倫雖然今季演出走樣，但撞正一支唔識防守嘅對手，入波唔成問題。加上兩隊近10次交鋒有9次開大，大盤好路。

（now633周三凌晨2時直播）

愛斯賓奴係今季4輪西甲唯一一支失波達雙位數嘅球隊，包括被皇馬大炒6蛋，即使唔計呢場，其他比賽表現亦唔見穩陣，上仗有半場時間踢多一人下最終都只能僅勝皇家蘇斯達3比2，可見球隊即使人多打人少，防線一樣頂唔住。愛斯賓奴面對擁有上乘鋒線人腳嘅華倫西亞，情況更難樂觀。

近10對陣9次開大
華倫依家喺聯賽4戰得1勝3和，唔多唔少受到兼顧歐聯影響，依家更要急起直追，收復失地。「蝙蝠兵團」兩位射手柏高艾卡沙、尼格度都有質素，面對愛斯賓奴脆弱防線，應該搵到食。不過考慮到華倫近6次作客愛斯賓奴只取得1勝，客W有暗湧，既然兩軍近10次交手9次開大呢個攤路咁清楚，捧大梗係更划算。