流氓射手Show Time！
「哪個叫做正義，哪個戰無不勝。」唔講唔知，原來今季英冠有個蠱惑仔彈起咗，佢就係安達格雷！呢位改邪歸正嘅「流氓射手」新季加盟般尼後踢到曉飛，最近仲協助新東家連贏4場聯賽，今晚造訪打比郡，相信又係安達格雷Show Time，更何況近6戰對賽都保持不敗，般尼受讓平半，梗係博2.12倍下盤。

（TVB301周二凌晨2:45直播）

安達格雷曾開片被劈傷
球壇除咗列貝利呢位「疤面煞星」之外，原來仲有安達格雷，呢位24歲前鋒自細群埋爛仔堆，4年前仲因為開片被劈傷，搞到左邊面頰有4吋長刀疤。幸好佢死裏逃生，安達格雷亦喺媽媽同朋友協助下改過自新，2011至2012球季喺盧頓打響名堂，今季仲以破般尼轉會費紀錄600萬鎊由賓福特加盟，呢個古仔都算勵志咯！

打比郡兩件主力打柴
曾經係英格蘭C隊成員嘅安達格雷，加盟般尼後3戰貢獻1球、2次助攻，係隊波近期連贏4場嘅功臣，前線拍檔禾基斯仲大讚安達格雷係英超級數嘅射手添。佢哋賽前仲收到好消息，就係中場馬恩尼剛啱同會方續兩年新約至2017年，近況同士氣都咁Good，對住有天才中場韋曉士、隊長拜阿迪兩件主將倦勤嘅打比郡，有力搶分而回。