英超球隊今季實力接近，唔少中游分子都展現出唔錯嘅戰力，其中李斯特城開咧後4場聯賽2勝2和，係今輪之前3隊不敗雄師之一，其實呢班波有大批實而不華嘅好波之人，今晚主場迎戰狀態麻麻嘅維拉，1.72倍主W抵撐！

（now621台周日晚11:00直播）

維拉受傷兵困擾
李斯特城前鋒占美華迪入選英格蘭國家隊，實力已經獲得肯定，不過最搶鏡嘅其實係翼鋒馬列斯，呢位阿爾及利亞國腳今季4場入4球，之前仲傳阿仙奴同巴塞都想撬佢，領隊雲尼亞里今季買恩拿頂替過氣嘅甘比亞素亦係一大成功，李斯特城踢得咁Sharp醒絕對唔係僥倖。

客軍維拉近3場聯賽只係攞得1分，今場更受傷兵困擾，中場核心伊祖沙古爾日前為塞內加爾披甲時受傷，今場好可能會缺陣，雖然有新加盟嘅中堅尼史葛首度登場，不過33歲嘅佢狀態已大不如前，造訪如日方中嘅李斯特城好難有運行。