英超尾場由新季表現可人嘅李斯特城主場迎戰近況一般嘅阿士東維拉。李斯特城現時排喺聯賽第三位，但對手維拉今仗有部分主力可以復出，戰鬥力增強之下，作客應有力一戰。李斯特城讓半一實在過分，阿謙捧下盤。

（now 621周日晚11時直播）

李斯特城嚟到依家仲係不敗之師，主帥雲尼亞里向來擅教中型班球隊，今次教李城可以話係「天作之合」。不過，上周由於撞正國際賽檔期，令英超賽事暫停一周，球隊嘅氣勢可能會因此被打窒，隨時出現回吐嘅情況。

依家李城讓球盤口愈來愈辣，今仗對住上季足總盃亞軍維拉竟然要讓半一，實在過份，當然李城今仗如果想贏波，前線主力岡崎慎司同占美華迪一定要有波入先得。

維拉除咗開咧首仗贏過般尼茅夫後，連盃賽近四場都贏唔到，但能夠連續兩場波都同對手打和，可見球隊已逐步踏入正軌。維拉傷兵問題已得到改善，艾邦拉荷同基亞利殊等今仗都可上陣，相信可以幫到球隊有更好嘅發揮，此戰作客李斯特城有望成功搶到分，阿謙撐下盤。