德乙有場好嘢值得留意，FSV法蘭克福主場對布倫瑞克，推介入球大！FSV季前向德甲球隊緬恩斯，借用20歲新星比沙夏利米，效果立竿見影，呢位進攻中場近3仗聯賽都入波，踢德乙超晒班，成為對手防線噩夢。至於布倫瑞克火力亦強勁，上輪大炒卡爾斯魯厄6蛋，最難得今場入球大仲有2.1倍，非常值博。

（周日晚7時30分開賽）

比沙夏利米喺德國出世，曾代表德國U18及U19比賽，佢亦有阿爾巴尼亞國籍，試過入選阿國U21，年紀輕輕已有好深閱歷。比沙夏利米連續3場入波之後，已成為德乙紅人，有呼聲希望德國隊將佢留為己用。FSV擁有呢位進攻猛將助陣，攻門質素得到提升，入波機會樂觀。不過，後防主力比度夫停賽，防線有隱憂。

布倫瑞克火力亦猛
布倫瑞克愈戰愈勇，繼輕取比勒費爾德2比0後，上輪狂勝卡爾斯魯厄6比0，連後衞列曹都有兩球進帳，3線實力平均。布倫瑞克接連大捷，肯定會心雄，今仗可以最強人腳出戰，作客都無懼同對手鬥攻。