溫哥華白帽今季表現出色，一反「渣仔」形象，依家排喺西岸前列位置，今場對科羅拉多急流，當然想再下一城啦！不過，佢哋上場0:2不敵侯斯頓戴拿模場波，有兩位球員被逐，今場人腳不整對住近期勇不可擋嘅急流，有失分危機。急流受讓1球，2.25倍嘅「讓客」可以一試！

（TVB301台周四早上10:00直播）

白帽兩主力停賽
白帽2011年創會，過去4年都只係美職魚腩，但係今年表現勁出色，有力挑戰西岸「1哥」寶座。不過，佢哋近期表現有啲反覆，上場對住侯斯頓戴拿模，輸波不突止，仲有中場馬迪亞拿斯拿巴同後衞華斯頓做咗「紅牌阿姑」，今仗要坐波監。近期狀態不穩再加上人腳唔齊，白帽呢場有好大隱憂。

另邊廂嘅急流今年雖然表現麻麻，依家打少兩場排喺西岸榜下游位置，但係自8月連輸3場後，佢哋痛定思痛，已經連贏3場。近期Fit到漏油嘅佢哋，今場作客溫哥華，絕對有能力爆冷！