韋斯咸走出之前英超三連敗低潮，先後3:0大勝修咸頓及1:1逼和車路士，兩仗貢獻兩射一傳的前鋒阿拿奧杜域揚言，今晚聯賽倒戈舊主史篤城也無情講，主場乘勝追擊全取三分。況且後者近況及客戰表現同樣差勁，主勝穩開。
近兩輪聯賽韋斯咸收錄一勝一和，入四球僅失一球，前鋒阿拿奧杜域期間交出兩入球一助攻。此子今仗倒戈前東家史篤城，他直言要乘勝追擊︰「我軍努力備戰今仗，就要為了全取三分。」再者，鐵錘幫一八年主場戰績甚佳，英超十次主場出擊錄六勝三和一負，利物浦、熱刺和曼聯三支勁旅均在此敗陣而回，史篤城今晚到訪更加凶多吉少。
再者史篤城近九輪聯賽只得四和五負，近四輪更悉數落敗。該隊客戰表現亦慘不忍睹，對上一次作客取勝已是去年十月尾擊敗屈福特，之後十二次不同賽事出征僅四和八負，今仗可謂毫無勝算，一於直取主勝。

分享到：