多蒙特「讓主」有路「足」

多蒙特今季由新帥杜曹掌帥後，風格不變繼續大踢進攻足球。今晚佢哋喺歐霸盃附加賽次回合，主場迎戰奧特足球會，「蜜蜂兵團」首回合只係領先對手4:3，今戰返主場為免夜長夢多，肯定唔會手下留情繼續喪攻，-2照捧1.55倍「讓球主勝」。

（開賽時間：周五凌晨2:30）

奧特足球會焗攻等炒
「蜜蜂兵團」今季開季特別生猛，合計6場正式比賽總共轟入咗20球，當中射手奧巴美揚更加係着晒火，連續5仗都有士哥。據講首回合冇遠征挪威嘅馬高列奧斯，今晚亦會披甲上陣，加埋上周六喺預備組復出嘅翼鋒哥斯基奧斯，聯同傷愈嘅守將柏柏斯達夫普路斯今晚落場爭表現，想炒起對手話都冇咁易。

對手奧特足球會首回合曾經係威係勢一度領先3:0，最終連失4球輸3:4打擊肯定唔細。更大鑊嘅係佢哋今仗作客都要焗攻，再畀多蒙特炒多鋪唔係奇事吖！